Anuncios
Ticker de novas

Sabarís celebra unha nova edición do Mercado de Arte

FOTO: ALBERTO RODRÍGUEZ

Sabarís acollerá este domingo, 14 de maio, unha nova edición do seu Mercado de Arte, organizado pola Asociación de Comerciantes e Empresarios (Coemsa) e OVALMI. A iniciativa reúne máis de 500 obras de 57 artistas galegos -pintores, escultores e fotógrafos- que se expoñen e venden nesta décima edición da festa da arte.

Ademais, a pintora Irene Silva realizará durante toda a xornada un mural de 8 metros de longo e haberá un collage de máis de 300 pezas en miniatura no que participan alumnos dos colexios de Sabarís e Belesar. Tamén Claudio Maseiro impartirá ás 11:30 da mañá un obradoiro de pintura para os máis pequenos e haberá concertos pola mañá e pola tarde a cargo de Iván Gulín.

O Mercado de Arte permanecerá aberto desde as 10:00 ata as 21:00 horas na Praza de Abastos de Sabarís, con entrada de balde. Ademais, para celebrar o Día das Letras Galegas, os asistentes recibirán como agasallo un libro de autor galego e en galego.

Anuncios