A Concellería de Deportes de Gondomar, dirixida por Nuria Lameiro, na súa continua aposta por fomentar o deporte na comarca organiza o Campus de Semana Santa para nenos e nenas de entre 6 e 12 anos os días 10, 11 e 12 de abril.
O Campus de Semana Santa é totalmente gratuíto e nel poderán anotarse todos os nenos e nenas que se acheguen polo Pavillón de Deportes ata o día 6 de abril. A inscrición deberá facerse en horario de 17:00 a 21:00 horas ou ben a través do número de teléfono 608 748 393.
Tres días de actividades nas que os nenos e nenas contarán con monitores e material á súa disposición para aprender, xogar e sobre todo divertirse. As actividades programadas son entre outras unha xincana na contorna do parque de “A Coelleira” con procura do ovo de pascua, ademais dunha excursión.
