Postal da Serie propiedade de «El Universo» baixo o título «Bayona – Paseo de La Palma». Á esquerda desta vista da Palma podemos apreciar o hotel «La Palma», No centro érguese o monumento de Ventura Misa, que é unha columna conmemorativa, idea de D. Melitón Suárez de Puga; amigo particular do Sr. Misa; a vila de Baiona adoptou esta idea e, en proba de gratitude, erixiu este obelisco para perpetuar a memoria deste ilustre baionés. Esta curiosa columna remata nun pedestal de base cuadrangular no que se pode ler unha inscrición que reza así:
Por D. Ventura Misa y Bertemati
BAYONA
Su pueblo reconocido goza este bello recreo. D. Melitón Suárez de Puga, su buen amigo, dedícale este monumento de eterna memoria. Sus coterráneos y amigos a Misa y Suárez aseguran gratitud sincera y leal afecto. El ayuntamiento agradecido concedió su autorización siendo presidente D. Pedro Colmenero. Año de 1862.
Serie Propiedade de «El Universo»
Esta é a segunda serie que coñecemos, propiedade de «Ultramarinos El Universo». É unha serie da que descoñecemos o número de postais que a compoñen por non estaren numeradas.
Publicado en «O Val Miñor na Tarxeta Postal» (1999) de Salvador Fernández de la Cigoña Fraga. Editado pola Deputación de Pontevedra.
