Anuncios
Ticker de novas

Obrigada a sacrificar 120 vacas polo rexeitamento dos comuneiros de Baíña

Diana Pino naceu en Baiona e vive en San Cosme, na parroquia de Baíña, en “Cuatro Pinos”, como chama á súa casa e explotación agraria.

“Como ben di o xuíz, vivo nun lugar ‘notoriamente inhóspito: alto do monte, absoluto illamento e dificultade de acceso rodado, sobre todo no inverno’, pero é o meu fogar”, asegura.

Desde 2008 leva en litixios coa Comunidade de Montes de Baíña, a cal lle nega o dereito para ser comuneira. “Fíxenme autónoma agraria en 2001 e en 2005 mudeime e empadroei no monte onde instalei a miña explotación gandeira”.

Tanto o arquitecto do Concello de Baiona como a Comisión de Medio Ambiente deron o visto e prace á vivenda e á explotación gandeira, pero cando solicitou formar parte da Comunidade de Montes de Baíña, onde reside e ademais leva a cabo a súa actividade, ambos os dous requisitos para ser admitida, foi rexeitada co argumento de que non vive nesa vivenda, “e ameazáronme cunha demanda se non cesaba a miña actividade, o que sucedeu finalmente”, engade.

O Xulgado de Primeira Instancia número 3 de Vigo deu a razón á Comunidade de Montes en dúas ocasións e a condena para cesar a actividade gandeira, o cal levará, no caso de que a Audiencia Provincial de Pontevedra ditamine que teñen razón, a sacrificar as 120 vacas.

“Gústanme as vacas, sei manexalas, coñezo os seus crotais, cada unha ten un nome e unha personalidade distinta, sinto paixón desde pequena polas vacas e é non sabedes o difícil que resulta atopar a unha muller gandeira que exerza”, destaca Diana.

“De feito, o meu traballo é de mecánica nun taller polo día, as vacas non dan para vivir, e ao acabar a xornada regreso á súa casa “Cuatro Pinos” onde me esperan todas elas”.

Diana pide axuda para que a Comunidade de Montes de Baíña dea o seu brazo para torcer e acéptenlle a ela e ás súas vacas. Para iso iniciou unha campaña de recollida de firmas a través de change.org, na que xa conta con máis de 400 apoios.

Anuncios

Deja un comentario

Tu dirección de correo electrónico no será publicada.