Anuncios
Ticker de novas

A Xunta traballa para arranxar os problemas causados polo temporal nas estradas

FOTO: VIGOE.ES

A Xunta de Galicia traballa para arranxar o antes posible os problemas causados polo temporal nas estradas galegas. Concretamente, contabilizáronse 85 puntos na rede autonómica con incidentes pola situación meteorolóxica, entre as 21:00 horas de onte e as 8:00 da mañá de hoxe.

Durante a noite, cortouse a PO-552 entre Baiona e o final da AG-57, por mor do oleaxe na zona. Por outra banda, recibíronse 73 avisos de caída de árbores e as estradas máis afectadas foron a PO-340 (pq 19+500), na que houbo un pequeno desprendemento con pedras na gabia, sen afección ao tráfico; a PO-244 (Ponte Caldelas (PO-255)-Soutomaior), con 5 árbores caídos; a PO-400 Salvaterra (PO-403) – Filgueira (PO-801), con outros 5 árbores derrubados; e no punto quilométrico 15+700 da PO-510 (Atios (N-550) – Salvaterra (PO-400)) tamén se viu afectada pola caída de vexetación á vía.

Os técnicos pertencentes ao Programa de Conservación Integral que está desenvolver a Axencia Galega de Infraestruturas (AXI) mobilizáronse para garantir a circulación en condicións de seguridade nas estradas de titularidade autonómica.

As previsións meteorolóxicas prevén que as dificultades se manteñan, polo que é necesario facer un chamamento á precaución na circulación, e a axeitar a velocidade ás condicións meteorolóxicas en cada momento, especialmente na noite.

Anuncios

Deja un comentario

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.