Este sábado tivo lugar en Redondela o Campionato Provincial de categoría nacional, modalidade libre benxamín-infantil, no Pavillón Municipal da Marisma. Dando comezo ás 9:00 da mañá co contacto pista infantil, e finalizando ás 14:00 horas coa entrega de trofeos.
Teresa Rodríguez e Gael Fernández conseguiron os ouros en categoría benxamín feminino e masculino respectivamente. Ambos abrazan os seus trofeos no alto do podio, estes benxamíns son os patinadores máis pequenos de primeira categoría do Club de Patinaxe Artística Gondomar e estiveron acompañados polo seu adestrador David Figueroa.
