O Concello de Nigrán e Asociación de Violoncellistas de Galicia (Soncello) volven colaborar para levar a cabo o V Curso de Verán. As instalacións do CEE de Panxón serven de novo para que durante unha semana os mellores violoncellistas de Galicia celebren o seu encontro anual.
Ademais das clases individuais de cello e con pianistas, obradoiros e demais actividades lectivas, haberá tres concertos, que terán lugar tanto no Auditorio Municipal de Nigrán como na Igrexa de Santiago de Parada, os días 30 de xuño, 3 e 5 de xullo. A entrada é gratuíta.
Durante o concerto de clausura do día 5 de xullo poderemos escoitar a música que os alumnos practicarán durante o curso. Ademais, contarán co cellista Jorge Suárez, que tocará xunto coa pianista Brenda Vidal. Para rematar, os profesores do curso interpretarán un programa para cuarteto de cellos.
“Soncello dános unha oportunidade única para recibir a cellistas de toda Galicia e desfrutar da súa música”, declara o alcalde, Juan González.
