A parroquia baionesa de Baredo celebra esta fin de semana as festas na honra da Virxe do Carme.
O sábado 15 de xuño ás 16:30 horas a charanga Os Alecríns ofrecerá un pasarrúas. Ás 18:00 horas comezará a Misa no Porto do Porrido, seguida de procesión ata a Igrexa acompañada pola mesma charanga. A partir das 20:30 horas haberá “porco ao espeto” a prezos populares e ás 21:30 horas a actuación do grupo infantil 42º Norte. Pola noite, a verbena estará amenizada polo grupo La Nave e DJ Rafitta.
O domingo día 16 ás 11:00 da mañá, pasarrúas da charanga Os Imperiais, que entrará a continuación en Baredo. Ás 13:00 horas celebrarase a Misa Solemne na honra da Virxe do Carme cantada polo Coro de Homes “Voces Baionesas”, seguida de procesión acompañada pola charanga. Ás 18:00 horas comezará o último gran bingo con premios especiais.
