Gondomar converterase por uns días na capital mundial das aves, coa celebración da primeira edición do “Universal FAUNA Congress”, que achegará á Vila Condal a relatores e participantes procedentes de toda España, Europa e incluso América. O congreso comezará o venres 31 ás 18:00 horas no Centro Neural (Edificio da Policía Local), onde terá lugar unha mesa redonda na que participarán o veterinario Antonio Folch e o presidente de SOHEVA, Txema López, e que xirará en torno á Lei 7/2023 e como afecta á tenencia de mascotas en domicilios particulares.
O Pavillón Municipal Bernabé Costas de Miranda acollerá o amplo programa de charlas deste congreso. O sábado de 9:00 a 12:00 horas haberá diferentes coloquios a cargo de Sarah Ausseil, Nika Leben, Beate Pfau, Didier Leportois e Tony Wigley sobre temas como a educación medio ambiental en centros de ensinanza, as particularidades da lexislación eslovena, a cría e mantemento de réptiles e anfibios, a actualidade da campaña contra o antiespecismo en Francia ou curiosidades sobre a terrariofilia.
Tras unha pausa, ás 13:00 horas terá lugar unha interesante charla en torno á lexislación actual e a nova lei de benestar animal, na que intervirán Antonio Folch, veterinario e membro de FAUNA, Jose Ramón Becerra, como representante da Dirección Xeral dos Dereitos do Animais do Goberno de España, e Mercedes Núñez, da Dirección Xeral de Política Comercial.
A xornada da tarde comezará ás 16:00 horas con catro interesantes charlas a cargo da Asociación Koi, na que Manuel Ratia e Edu Romanos falarán sobre acuariofília. O seguinte relatorio correrá a cargo de Carlos Ramoa, que como representante da Confederación de Ornitoloxía Mundial falará sobre Caniricultura, a súa cría, selección e conservación. Txema López de SOHEVA e FARDATXO falará sobre o uso de microhábitats e o benestar animal e o exemplo das tartarugas de caixa americanas. Para rematar este bloque de relatorios Elia Viades da “Psittacus Foundation” ofrecerá unha charla sobre o vínculo entre humanos e animais.
A tarde do sábado arrancará cunha entrevista en directo a cargo de Cristina Seguí, Álex Lachhein, e Natalia Corbalán para “Hoguera de Chamanes”. Acto seguido será a quenda de Jose Ignacio Pérez de ACESUR sobre Falcóns Deportivos e de Carreiras. O peche da xornada do sábado correrá a cargo do alcalde de Gondomar, Paco Ferreira, que explicará como Gondomar se está a converter na capital internacional da cría e tenencia responsable de animais.
A última xornada, o domingo, comezará ás 09:00 horas cunha das actividades máis espectaculares deste congreso, a exhibición e voo libre de Pistácidas (Guacamayos) que terá lugar no Campo de Fútbol Municipal de As Gaiandas. Unha vez rematada esta exhibición, en torno ás 10:30 horas, se retomarán as charlas que nesta xornada correrán a cargo do veterinario Juan Pascual, que falará sobre a importancia dunha dieta omnívora. Pola súa parte, Xavier Viader presentará a Iniciativa FAUNISTA con motivo do Día Internacional do Faunismo.
Para rematar este congreso presentarase unha Declaración Universal Conxunta. O fin de festa tras a clausura oficial correrá a cargo do Grupo Ardelume. O alcalde Paco Ferreira aproveitou a presentación do evento “para invitar a toda a cidadanía a asistir a este congreso” e se felicitou de que “Gondomar se converta na capital mundial da tenencia responsable de animais”.
