O GALP da Ría de Vigo – A Guarda impartirá dende este martes unha serie de charlas dirixidas ao alumnado da ESO para ofrecerlles unha visión profesional do sector do mar, informándolles sobre as oportunidades e nichos de emprego existentes neste mercado.
As charlas se impartirán dende un punto de vista técnico e profesional, e a través das mesmas se darán a coñecer as saídas profesionais no sector do mar, poñeranse en valor os postos de traballo neste ámbito laboral, achegarase información sobre como e onde conseguir os carnés ou títulos para acceder a un posto/oficio no sector da pesca ou marisqueo, e potenciarase o coñecemento do GALP Ría de Vigo – A Guarda e as súas funcións no territorio, colaborando coas administracións locais na mellora das competencias da poboación.
As sesións se desenvolverán entre os días 7 e 24 de maio, seguindo este calendario:
| IES | DATA |
| IES Escolas Proval (Nigrán) | 7 de maio de 12.50 a 14.30 h |
| IES Primeiro de marzo (Baiona) | 13 de maio ás 13.10 h |
| IES As Barxas (Moaña) | 14 de maio ás 10.40 h |
| IES Ricardo Mella (Vigo) | 20 de maio ás 16.45 h |
| IES Coruxo (Vigo) | 24 de maio ás 11.20 h |
