O Club de Clásicos e Populares Val Miñor organiza o vindeiro domingo 12 de maio a súa concentración anual. O evento comezará ás 9:00 da mañá coa recepción dos vehículos participantes na Praza do Concello de Gondomar, con chocolate e rosca. Ás 10:30 comezará o roteiro previsto con visita ao Museo do Automóbil Manolo Ferreira. Finalmente, celebrarase unha comida con sorteos para os participantes no Restaurante Manolo do Porriño. As inscricións xa están pechadas.
