O Colexio Plurilingüe de Belesar, no contexto do proxecto anual “Camiñando pola Prehistoria”, visitou este mércores a área arqueolóxica de Outeiro dos Lameiros. Alí o alumnado de 5º e 6º de primaria foi o encargado de explicar os gravados rupestres ao resto do cole, que organizados por clans fixeron un percorrido pola Idade do Bronce, a súa forma de vida e o seu pensamento simbólico a través do seu arte, os petróglifos. Desde o centro educativo agradecen á Comunidade de Montes de Santa Cristina por permitirlles desenvolver esta actividade tan emocionante e que lles fixo sentir tan orgullosos dos pequenos e pequenas.
Alumnado do CEIP de Belesar visita a área arqueolóxica de Outeiro dos Lameiros
