Este pasado sábado 13 de abril disputouse o Campionato Provincial de patinaxe artística sobre rodas na súa modalidade de libre de cadete a sénior, no Pavillón Municipal A Marisma en Redondela.
En xornada de mañá os patinadores tiveron contacto pista e posteriormente realizaron o seu programa curto. Pola tarde tivo lugar o programa longo, no que as patinadoras do Club Patinaxe Artística Gondomar puideron mostrar os seus novos discos.
En cadete feminino, Lena logrou o primeiro posto e María o segundo. En cadete masculino Luis subiuse ao máis alto do podio. En júnior feminino Paula foi a campioa, e en xuvenil feminino, Lola foi primeira e Xiana segunda.
O inicio de tempada vén forte como así demostraron as gondomareñas e o gondomareño, brindando aos asistentes a forza que as caracteriza. David Figueroa, o seu adestrador, acompañounas e dirixiu no evento.
O campionato finalizou coa entrega de trofeos, no que o CPAG arrasou nos podios participantes.
