Tras o parón pola Festa da Arribada, o Baíña Fútbol Sala retoma a organización do seu bingo social. O bingo celébrase na Casa de Montes de Baíña este e próximos venres ás 22:00 horas.
Constará de sete roldas con premios de distintos importes. Ademais, para garantir a comodidade de todos, proporcionarase un servizo de coidado para menores de idade, cunha variedade de actividades como xogos de mesa ou futbolín.
Os fondos recadados neste evento contribuirán directamente ao apoio dos deportistas do club, permitíndolles continuar competindo en diferentes competicións por toda Galicia.
