O espectacular veleiro Morgenster arribou este venres ao Monte Real Club de Yates de Baiona. Este bergantín de 48 metros de eslora e 6 de manga permanecerá atracado nos pantaláns do club baionés durante dous días antes de proseguir a súa viaxe. O Morgenster é un bergantín, un buque de dous mastros que alcanzan os 29 metros con velas cadradas.
O Morgenster (Estrela da Mañá en neerlandés) é un buque escola de vela con base nos Países Baixos. Foi construído, como un luger de arenque baixo o nome de De Vrouw Maria, en 1919. En 1927, alongouse 7 metros (23 pés) e converteuse nun buque pesqueiro a motor. Foi renombrado Morgenster en 1959 e continuou sendo utilizado como buque pesqueiro ata 1970.
Despois dun período de uso para a pesca deportiva e no negocio da radio pirata, foi adquirido polos seus actuais propietarios para convertelo de novo nun veleiro en 1983. Fixo a súa viaxe inaugural como buque escola de vela en 2008, despois de ser reacondicionado como bergantín.
