O Concello de Baiona, a través da Concellería de Novas Tecnoloxías, informa á cidadanía que a partir do 14 de febreiro de 2024 será obrigatorio que todas as canles emitan pola TDT en calidade HD, polo que desaparecerán as canles en resolución SD (definición estándar) e só poderanse sintonizar en formato HD (alta definición), que achega unha maior calidade de imaxe e son. O Plan Técnico da TDT (Televisión Dixital Terrestre) establece esta data límite aínda que algunhas canles empezarán antes a deixar de emitir neste formato.
Por todo iso é necesario cambiar os televisores e/ou receptores de TDT a outros que sexan compatibles coa resolución HD. Calquera televisor comprado a partir de 2015 leva por normativa o sintonizador DVB-T2, necesario para poder acceder á televisión en HD, polo que se estima que máis do 98% dos aparellos xa son compatibles, segundo cifras do Ministerio de Transformación Dixital. Este cambio non afecta a usuarios que reciben a TDT con antena normal e que dispoñen dun televisor co decodificador compatible integrado, ou externo no caso dos televisores máis antigos, cambiándose neste último caso por un decodificador compatible con HD cun prezo que rolda os 30 €.
Coa intención de colaborar na medida do posible e sendo coñecedores de que as entidades locais non teñen responsabilidade neste asunto, por parte da Oficina Concellos da Asociación de Enxeñeiros de Telecomunicación de Galicia, informan desta situación aos concellos e póñense ao dispor da cidadanía para resolver calquera dúbida respecto diso, especialmente a aqueles que posúen zonas de difícil cobertura de TDT e en previsión da demanda de información que recibirán por parte dos usuarios.
Lémbrase que para calquera dúbida sobre este asunto ou calquera outro relacionado coa normativa de despregamento de infraestruturas de telecomunicacións, as entidades locais teñen á súa disposición o servizo Oficina Concellos, vía telefónica no número 981913576 ou a través da dirección electrónica oficinaconcellos@aetg.gal.
