A padeeira baionesa Iria Ludeña foi recoñecida como deportista internacional na Gala do Deporte celebrada este venres no Teatro Municipal de Tui. Un evento no que se recoñeceron os éxitos do deporte tudense e se puxo en valor o patrimonio natural do municipio, que constitúe un magnífico escenario para a práctica deportiva tanto a nivel afeccionado coma profesional. A baionesa, integrante do Club Kayak Tudense, tivo o pasado mes de xullo o seu debut internacional no Campionato Europeo de Maratón, celebrado na localidade croata de Slavonski Brod, acompañada da súa compañeira de equipo Irea Alonso, logrando a sétima posición na categoría K2 Júnior Feminino.
A baionesa Iria Ludeña, recoñecida na Gala do Deporte de Tui
