O barrio de Nande, na parroquia gondomareña de Mañufe, celebra as festas na honra de San Andrés. A programación comezará o xoves 30 de novembro ás 10:30 da mañá coa entrada en Gondomar da Unión Musical do Val Miñor. Ás 12:30 horas celebrarase a Misa Solemne con sermón seguida de procesión acompañada pola mesma Banda de Música, que ofrecerá un concerto ao finalizar. Pola noite, a partir das 21:00 horas, o trío Tic Tac amenizará a verbena. O venres día 1 de decembro, a verbena correrá a cargo dos grupos 3.com e Ritmo desde as 21:00 horas. O torreiro estará cuberto cunha gran carpa.
O barrio de Nande en Mañufe celebra as festas de San Andrés
