A Concellería de Deportes do Concello de Baiona celebra este sábado o X Trail Trans Serra da Groba. Un total de 400 persoas participarán nos dous tipos de proba: no Trailiño, de 15 Km, 300, e no Trail, de 31 Km, 100, cun itinerario que percorre os montes da Serra da Groba, utilizando pistas forestais, carreiros tradicionais e tramos de asfalto á saída e á chegada a meta.
Desde o Concello de Baiona queren dar as grazas ao Club Atletismo de Baiona e a todas as persoas voluntarias que colaboraron realizando diferentes labores de limpeza naquelas zonas do monte polas que pasan as dúas probas. “Grazas a todos polo voso compromiso con esta singular proba que este ano cumpre o seu décimo aniversario, sen o traballo de todos non sería posible chegar ata aquí”.
O Trail arrancará ás 08:30 da mañá, mentres que o Trailiño farao ás 10:00 horas, ambas as dúas probas con saída desde o Pavillón de Deportes de Baiona.
