A Garda Civil de Pontevedra, en concreto o Grupo de Patrimonio da UOPJ, inicia o pasado mes de xullo unha operación ao recibir un informe de colaboración policial urxente remitido polas autoridades policiais alemás, coa indicación de incautar, asegurar e inspeccionar a embarcación tipo Catamarán de bandeira sueca, que fora subtraído do porto de Portimao (Portugal), entre os días 14 e 15 de maio do presente ano. Localízase unha embarcación das mesmas características que a subtraída en Portugal, no Porto da localidade de Baiona (Pontevedra).
O propietario da embarcación subtraída, trátase dun cidadán sueco, residente en Luxemburgo. Nese mesmo día procédese á identificación da persoa que alega a súa compra legal e a incautar o barco no porto deportivo de Baiona, onde queda depositado. Procédese á inspección da nave, comprobando que se trataba dun catamarán de nome distinto ao orixinario da embarcación subtraída, baixo bandeira de Polonia cando lle correspondía de pavillón sueco, ademais os números identificativos de fabricación acuñados en popa atopábanse manipulados e a numeración de motores non se correspondía coa documentación de compra do barco.
Tras xestións co estaleiro onde se fabricou a nave con sede en Francia, conséguese a información do lugar secreto de localización do número único identificativo do casco da nave, e con este dato practícase unha segunda inspección na que se determina que se trata da embarcación subtraída en Portugal. A través do Centro de Cooperación Policial e Aduaneiro de Tui-Pontevedra (CCPA) infórmase as autoridades policiais portuguesas da recuperación do barco, xa que o procedemento tramítase no Tribunal penal territorial de Portimao, así como a intención de realizar a súa entrega ao seu lexítimo propietario.
Dita entrega se leva a cabo a principios deste mes, cando se despraza á localidade de Baiona o cidadán sueco para facerse cargo da mesma. Ao día seguinte desta entrega, púidose saber que a persoa que inicialmente trouxera o catamarán ao porto de Baiona, tentara subornar a persoal do porto deportivo, ofrecéndolle certa cantidade de diñeiro para facerse con copia da documentación do propietario do barco e desta forma amparar a venda legal do barco.
Con todos estes datos, o pasado día 13 deste mes, procédese a investigar como presunto responsable dos delitos de receptación, falsidade documental e corrupción nos negocios á persoa que transportou o barco ao porto de Baiona, un cidadán español veciño de Gondomar, de 28 anos e solicítase OEI (Orde Europea de Investigación) dirixida ás autoridades policiais italianas para investigación doutro cidadán italiano que participou na venda do catamarán.
As dilixencias son entregadas no Xulgado instrución número SETE de Vigo.
