Kids&Us, unha escola de inglés especializada en clases para nenos de 1 a 7 anos, chega a Nigrán cun compromiso claro: ofrecer aos nenos unha experiencia de aprendizaxe en inglés única e emocionante. O evento de inauguración contou coa presenza do Alcalde de Nigrán, Juan A. González Pérez, e a edil de Educación do Concello de Nigrán, Estela Pérez, quen apoiou coa súa asistencia esta valiosa iniciativa educativa na nosa comunidade.
Karla Storch de Gracia, Directora Académica de Kids&Us Nigrán, agradeceu aos negocios locais pola súa colaboración durante os preparativos para a apertura do centro. “Tivemos a sorte de contar co apoio e a colaboración de distintos negocios locais que contribuíron significativamente a facer realidade o noso centro Kids&Us Nigrán. Queremos expresar un agradecemento especial a Arquitrabe2006 e todos os seus colaboradores que traballaron na obra de acondicionamento do local, ás Directoras e AMPAs das garderías e colexios que nos acolleron nas súas instalacións para presentar os nosos contos en inglés e a Yadira Fernández e demais equipo da Central da franquía Kids&Us, polo seu acompañamento en todo momento”.
Durante o evento de apertura, Tonya Walton, Teacher & D.D. en Kids&Us Nigrán, presentou ás profesoras que forman parte do Centro, Eleanor Channer e Gabriela Rodríguez-Lepina, e explicou: “O noso enfoque baséase en experiencias, historias e xogos adaptados a cada etapa do desenvolvemento dos nenos. Este método permite aos nenos desenvolver as súas habilidades lingüísticas de maneira natural mentres se divirten e viven experiencias en inglés, sempre adaptadas á súa idade”.
Como parte da inauguración, o sábado celebrouse unha xornada de portas abertas coa presenza de moitas familias. Unha xornada chea de actividades, contacontos, obradoiros, pintacaras etc.
Kids&Us Nigrán está preparado para abrir un mundo de oportunidades lingüísticas e de desenvolvemento para os nenos da comunidade. Durante as dúas últimas semanas de setembro, Kids&Us Nigrán ofrecerá clases mostra para todas as familias interesadas en coñecer o seu innovador método. Para obter máis información, os interesados poden visitar a súa páxina web ou contactar a través do teléfono 685 58 88 90.
