O barrio de O Burgo, na parroquia baionesa de Baíña, celebra as súas grandes festas na honra de Santa Marta. O programa previsto comezará o luns 14 de agosto ás 20:00 horas cun concerto do Coro de Homes “Voces Baionesas”. Pola noite, a verbena estará amenizada polo trío Élite e o grupo Rock Q’ Mola. Ás 00:00 horas será a gran tirada de fogos de artificio e lucería a cargo da pirotecnia Argimiro Alborés.
O martes día 15, festivo, a xornada comezará ás 10:00 da mañá cun percorrido da charanga Nova Cubana polos distintos lugares da parroquia. Haberá misas cada hora desde as 8:00 ata as 11:00 da mañá. Ás 12:30 será a Misa Solemne na Capela de Santa Marta seguida de procesión. Pola tarde haberá misas cada hora desde as 18:00 ata as 20:00 horas. Xa pola noite, a partir das 21:00 horas, o trío Luces de Bohemia e o dúo California serán os encargados de pechar as festas.
