A parroquia baionesa de Belesar celebra as súas festas patronais na honra de San Lourenzo. O programa comezará o mércores 9 de agosto ás 22:00 horas con verbena a cargo do grupo Mar de Arousa e o trío La Noche de O Grove. O xoves día 10 ás 12:00 do mediodía celebrarase a Misa Solemne con sermón cantada pola Coral San Lourenzo de Belesar seguida de procesión acompañada pola Agrupación Musical de Belesar. Pola noite, desde as 22:00 horas, o trío 3.com e o grupo Bomba de Canarias amenizarán a verbena. O venres 11 de agosto ás 17:00 horas disputarase un partido de fútbol de solteiros contra casados. Pola noite, a partir das 22:00 horas, os tríos Tic Tac e Soprano serán os encargados de pechar as festas.
Belesar celebra as festas de San Lourenzo
