A Concelleira de Deportes de Baiona, Ana María Iglesias Rodríguez, realizou na mañá deste venres senllas visitas aos Campus de Danza e Campus de Tenis de Mesa que se celebraron durante esta semana nas instalacións do Pavillón Municipal de Deportes. O corpo técnico do Campus de Danza estivo composto por tres membros da escola de baile “Galicia en Danza”.
No caso do Campus de Tenis de Mesa “Coperfi” o corpo técnico estivo formado por Martín Pintos Barreiro, Adestrador de nivel 2 e xogador da Superdivisión e Liga Francesa N3; Viktoria Lebedeva, xogadora da selección rusa e xogadora de División de Honra Feminina e como sparrings hai xogadores e xogadoras da División de Honra Feminina e División Nacional.
