O barrio de Vilariño, na parroquia nigranesa de San Pedro, celebra esta fin de semana as festas de San Antonio. A programación comezará o venres 16 de xuño ás 23:00 horas cunha verbena amenizada polas orquestras La Oca Band e Kubo.
O sábado día 17 ás 18:00 horas terán lugar as grandes “poxas” a cargo de Carlos Riveiro, e pola noite, ás 23:00 horas, o grupo La Banda de Ayer e a orquestra Metropolis amenizarán a verbena.
O domingo 18 de xuño ás 12:00 do mediodía celebrarase a Misa Solemne seguida de procesión acompañada pola Banda de Música Unión Musical do Val Miñor. Pola tarde, ás 18:00 horas, haberá animación infantil con Cé Orquestra Pantasma e O Brincalleiro.
