O Partido Socialista de Paco Ferreira non conseguiu revalidar a maioría absoluta nas eleccións celebradas este domingo. Os socialistas obtiveron 3.539 votos, perdendo un dos 9 concelleiros cos que contaba. A lista do Partido Popular, con Paula Bouzós como candidata, suma dous concelleiros aos 4 conseguidos fai catro anos tras obter 2.704 votos. A candidatura de Manifesto Miñor, liderada por Antonio Araújo, e a do BNG, con Manuela Rodríguez Pumar á fronte, manteñen a súa representación, con 2 e 1 concelleiros respectivamente, ao conseguir 1.081 apoios a primeira e 807 a segunda. En Gondomar votaron un total de 8.286 veciños e veciñas, o que supón o 67,05%. Rexistráronse 155 votos en branco e 150 nulos.
Paco Ferreira gaña en Gondomar pero non logra reter a maioría absoluta
