O Hospital Álvaro Cunqueiro realizou hoxe a despedida oficial dunha nova promoción de residentes que concluíron o seu período de formación como especialistas, tanto facultativos como enfermeiras. Os novos facultativos especialistas pasaron catro ou cinco anos, dependendo da especialidade, nos distintos servizos, mentres que as novas enfermeiras especialistas formáronse durante dous anos. No transcurso deste evento -presidido polo xerente da Área Sanitaria de Vigo, Javier Puente- os 93 novos especialistas recibiron unha copia da orla oficial, ademais dun agasallo institucional.
Os residentes que hoxe terminaron o seu período de formación distribúense en case todos os servizos: 1 en Análises Clínica; 2 Anatomía Patolóxica; 4 en Anestesia e Reanimación; 1 en Aparello Dixestivo; 1 en Anxioloxía e Cirurxía Vascular; 2 en Cardioloxía; 1 en Cirurxía Torácica; 3 en Cirurxía Ortopédica e Traumatoloxía; 2 en Cirurxía Xeral e Aparello Dixestivo; 1 en Endocrinoloxía e Nutrición; 2 Farmacia Hospitalaria; 1 en Hematoloxía e Hemoterapia; 1 en Medicina Traballo; 23 en Medicina Familiar e Comunitaria; 1 en Medicina Física e Rehabilitación; 3 en Medicina Interna; 1 Medicina Intensiva; 1 en Medicina Nuclear; 1 en Nefroloxía; 1 en Neurofisioloxía; 1 en Neuroloxía; 3 en Obstetricia e Xinecoloxía; 1 en Oftalmoloxía; 1 en Oncoloxía Médica; 1 en Oncoloxía Radioterápica; 1 en Otorrinolaringoloxía; 4 en Pediatría; 1 en Pneumoloxía; 1 en Psicoloxía Clínica; 2 en Psiquiatría; 3 en Radiodiagnóstico; 1 en Uroloxía; e 1 en Xeriatría.
Tamén concluíron hoxe a súa formación 19 especialistas en Enfermaría: 5 en Enfermería Pediátrica, 2 en Saúde Mental, 4 en Obstetricia e Xinecoloxía, e 8 en enfermaría Familiar e Comunitaria. Nestes momentos, na Área de Vigo estanse formando un total de 380 graduados, que realizan o seu período de formación especializada tanto en hospitais con en centros de saúde.
Cooperación internacional
O acto de despedida -que foi presidido polo xerente da Área, Javier Puente- contou coa participación do Dr. Tomás Quinteiro Antolín, especialista en traumatoloxía e cirurxía ortopédica, cunha conferencia na que relatou a súa experiencia atendo a pacientes tras o terremoto de Turquía, titulada “Equipo START, unha experiencia de cooperación internacional”.
