O Partido Popular de Nigrán recupera a súa churrascada popular tras catro anos de parón pola crise sanitaria e do mesmo xeito que en 2019 celebrarase o domingo 21 de maio no Centro Cultural Bolos de Camos. Acudirán o conselleiro de Sanidade, Julio García Comesaña; o presidente do PP provincial e a secretaria xeral, Luis López e Luisa Piñeiro, respectivamente; o presidente da Confederación de Empresarios de Galicia, Juan Manuel Vieites, así como a candidata á alcaldía María José Pino e os seus compañeiros de grupo.
A comida aberta tanto a militantes como a simpatizantes do partido arrancará ás 14:00 horas cun menú composto por churrasco, sobremesas e bebida a un prezo de 15 euros persoa. Non é necesaria reserva previa, con todo, todos os que o desexen poden facelo chamando ao 619 911 219.
Doutra banda, Pino adianta que xa están tramitadas as solicitudes para proceder ao cambio da cuberta do local da Comunidade de Montes na mesma parroquia, mentres que no de Priegue tamén se levarán a cabo diversas actuacións. Substituiranse xanelas, portas, ademais da instalación de tarima flotante no chan. Ditas intervencións están a expensas da licenza municipal.
