Este sábado 13 de maio terá lugar no campo do Aral de Baiona o I Torneo El Hachódromo, un torneo triangular de fútbol 7 entre un equipo de Baiona, outro de Vigo e un terceiro, de Madrid.
Participarán o Erizana Palestreiros, campión da súa liga en Madrid (Total F7); Er Beti, de Vigo, subcampións na Liga Metropolitana de Vigo; e o Coffee Time, de Baiona, equipo de fútbol 11 que quedou en media táboa de Primeira División na liga de AD Primavera.
Serán tres partidos en total, dous por equipo, de dous partes de 25 minutos. O primeiro arrancará ás 10:30 horas (Coffee Time VS Erizana Palestreiros), seguido ás 11:30 polo Er Beti VS Coffee Time e pechará o torneo o Erizana Palestreiros VS Er Beti ás 12:30 horas. Ao finalizar ese partido, entregaranse tres trofeos.
Ademais de El Hachódromo (lanzamento de machadas en Madrid), colabora co torneo Agua Sana, que doará botellas para que os xogadores poidan hidratarse ao longo de todo o torneo. Será unha xornada para gozar do fútbol 7 nunha contorna inmellorable.
