O Concello de Nigrán pecha este venres 28 de abril ás 20:00 horas no Auditorio Municipal o seu ciclo “Un ano de humor” cos monólogos do humorista Sergio Pazos e a actriz e directora Cristina Maró, ambos de balde e con entrada libre ata completar o aforo do auditorio.
Sergio Pazos, é un actor, humorista e reporteiro nado en Ourense (Galicia) en 1965. Comezou no mundo do teatro nos anos 80 da man das compañías Caritel e CDG. Saltou á fama tras aparecer en distintas series nacionais e galegas no ano 1996, ao converterse nun dos reporteiros do exitoso programa “Caiga quien caiga”, do Gran Wyoiming. Intentará contaxiarnos de humor, si, porque despois da pandemia, a mellor vacina para superalo é a risa. Falaremos das cousas boas que nos trouxo, como palabras antes descoñecidas ou que non se usaban, como Pangolín, Desescalada e Distancia Social. Falaremos do bo que é ter a un público tan “cojonudo”, e o demostraremos con exemplos e comparacións de personaxes moi coñecidos. Interactuaremos co público para que fagan un pouco de ximnasia, ao estilo Eva Nasarre e ata pode que fagamos un especial de chistes galegos dos de antes, pois os galegos, coma nos monólogos, somos especiais.
Cristina Maró, é unha presentadora, actriz e directora galega. Estudiou interpretación e Realización en Audiovisuais e Espectáculos. Comezou a súa carreira como reporteira en TVE en programas como “Gente”. Posteriormente converteuse en actriz en series e programas como: “La tira” (La Sexta); “Aída” (Telecinco); “Land Rober” (Televisión de Galicia) o “La Hora de Mota” (TVE). Na súa faceta de directora destaca o documental “#Muévete” e “Galicia Peregrina”, que se está emitindo en televisións de todo o mundo. Actualmente compaxina o seu traballo como redactora en La Sexta coa súa plataforma de contidos “Qué más ver”. Reescribindo a historia da humanidade e o título do seu monólogo Algunha vez pensastes en reescribir a historia da humanidade dende outro punto de vista?. Maró repasa os fitos históricos desde un punto de vista feminista e humorístico. Desde a creación, a prehistoria, a Idade Medieval, o descubrimento de América ata a chegada a lúa. Como cambiaría a historia se a protagonista fose unha muller en vez dun home? Atréveste a facer esta viaxe polo tempo?
