Mañá venres 21 de abril terá lugar a presentación da candidatura que Somos Nigrán presentará nas Eleccións Municipais do 28 de maio. O evento realizarase na sala de eventos Alcaraz Eventos, Avda. de Portugal, 29, Ramallosa.
“Desde o noso espazo político, formado por veciñas e veciños independentes de Nigrán, Podemos Nigrán e Alianza Verde, traballamos conxuntamente durante o último medio ano para ofrecer ás veciñas e veciños de Nigrán un proxecto innovador e realista, baseándonos nos intereses da cidadanía e tendo sempre presentes as características do noso municipio. Este venres presentaremos ás persoas integrantes da nosa candidatura e explicaremos os nosos obxectivos”, manifestan desde Somos Nigrán.
O evento comezará ás 20:00 horas con intervencións da candidatura para posteriormente pasar a un ambiente máis distendido no que se ofrecerán petiscos e bebidas. Ás 23:00 horas dará comezo a Festa da Mocidade, con DJ Gabri GZ.
