O grupo de música tradicional e folclórica Lembranzas Moañesas ofrecerá o domingo 9 de abril, ás 20:00 horas, un concerto no Auditorio de Nigrán. Este conxunto, que ten un repertorio de cancións mariñeiras, boleros e habaneiras, tocará parte do mesmo e interpretará pezas dos seus últimos traballos, “O Merlo” e “Sarima”.
Lembranzas Moañesas é un grupo que se formou fai nove anos na parroquia moañesa de Tirán. Está composto por dez voces de homes que cantan acompañados polo son de catro guitarras, dúas bandurrias e unhas congas.
