Gondomar envórcase co deporte en todas as súas vertentes

03/04/2023 Pablo F. Estévez

A Gala do Deporte regresou este sábado a Gondomar tras tres anos de parón pola pandemia e fíxoo ao grande repartindo un total de 63 distincións. O Pavillón Bernabé Costas foi o escenario elixido nunha edición presentada pola xornalista Rocío Carreiro e amadriñada pola atleta Vanessa Veiga.

A velada estendeuse durante máis de dúas horas, non faltaron as proxeccións de vídeos, actuacións da escola local de danza LDanzia e o Club Flic Flac, premios a un total de 17 modalidades deportivas e para o final as mencións especiais, que precederon ao prato forte das distincións deste ano. Deste xeito, a xogadora de rugby Estela Rodríguez Araújo foi a elixida á mellor traxectoria deportiva. O premio á mellor deportista revelación feminina recaeu sobre a patinadora do CPA Gondomar Noa Álvarez Romero, mentres que o masculino foi para o seu compañeiro de equipo Joel Ribeiro Díaz. Ainhoa Repáraz Sánchez alzouse como mellor deportista feminina e Julio Vilas Fernández en masculino. Ademais, o 55 Rallie Recalvi Rías Baixas foi elixido como o mellor evento deportivo, o Lóstrego Club de Fútbol Gondomar como mellor equipo e Autoescola San Benito como mellor patrocinador.

Para rematar, dentro do apartado de mencións homenaxeouse a título póstumo ao coordinador deportivo no Club Gondomar Fútbol Base, Javier Martínez Giráldez, falecido recentemente; o fundador do Marisquiño e colaborador en Gondomarspot, Carlos Domínguez “Pity”, a atleta Desirée Vila, o Grupo Show “Last Kaneri” do CPA Gondomar, o Centro Juan María e o destacamento da DXT de Porriño.

As portas do Bernabé Costas abriron antes das 20:00 horas para recibir ao público sentado nas zonas designadas, tras a presentación deu comezo o acto co discurso inicial da concelleira de Deportes Nuria Lameiro, os edís Iria Lambas e José Manuel Chamorro entregaron os dous primeiros premios, e posteriormente o evento foise desenvolvendo entre vídeos, actuacións e as intervencións do alcalde Paco Ferreira e o deputado provincial Gorka Gómez. O resto de distincións correron da man dos edís Juan Rodríguez, Rocío Goberna, Araceli Regueiro, Brais Misa, Jose Luis Alonso e a madriña Vanessa Veiga. A fotografía de familia chegou pasadas as 22:00 horas tras dúas horas de acto.

Tamén se entregaron premios en cada unha das seguintes disciplinas:

BILLAR