O Pavillón Mutua Levante de Alcoi acolleu o Campionato de España de Grupos-Show Junior e o VII Trofeo Ciudad de Alcoy de Grupos Show Grandes no seu primeiro día de competición. O CPA Gondomar proclamouse campión de España de Grupos-Show Júnior con gran autoridade. O club galego levouse o título co seu programa “Mens sana in corpore patiens” polo que obtivo un total de 32.10 puntos co novo sistema de puntuación Rollart. O subcampionato foi para o CPA Condado co seu “35 mm”. No terceiro chanzo do podio subiu o CPA Olot. Os tres representarán a España no próximo campionato de Europa.
