O Concello de Santiago, co apoio da Secretaría Xeral de Política Lingüística da Xunta de Galicia, organizou o I Certame de Poesía Respira! para estudantes co gallo da celebración do Día da Poesía, e Daniela Rial Estévez, alumna do CPI de Cova Terreña, vén de gañar este certame. O CPI de Cova Terreña celebrou o Día da Poesía co seu alumnado de 5º de Primaria, cun acto de recoñecemento a esta alumna gañadora do concurso. O acto oficial do certame tivo lugar pola tarde en Santiago de Compostela. A galardoada acudiu acompañada polos seus pais, pola Directora do Centro, Isabel Martínez Cabaleiro, pola Xefa de Estudos do Centro, pola súa titora…
O acto no salón de actos do centro educativo contou coa presenza da Concelleira de Cultura do Concello de Baiona, Miriam Costas, quen destacou na súa intervención “a labor que se fai dende o colexio e todo o claustro do profesorado, impulsando proxectos participativos que axudan ao alumnado a crecer”. Así mesmo, a concelleira transmitiu os parabéns de parte do Concello de Baiona e, os seus propios, á alumna e os pais de Daniela, presentes no acto, por apoiar á súa filla nestes proxectos, así coma a todo o alumnado que participou no certame. Durante o acto, Daniela Rial Estévez, deu lectura do seu poema gañador.
