Esta fin de semana dáse continuidade á programación da “Primavera Lila”, deseñada pola Concellería de Igualdade de Baiona e a dirección do CIM con motivo do 8M, Día Internacional da Muller. Deste xeito, o sábado día 18 de marzo o Multiusos Mercado de Sabarís acollerá ás 19:30 horas o contacontos “A Lavandeira e as Pitas”, de Cris de Caldas. O domingo, 19 de marzo, ás 11:30 horas haberá tres obradoiros moi interesantes: “Ponte en defensa. Como recoñecer o acoso infantil para actuar”, en colaboración coa Asociación Motorista P.I.C.A. protección á infancia contra o abuso, “Marca un gol para a igualdade”, en colaboración co club Baíña Fútbol Sala e Baíña Sirius Fútbol Sala, e finalmente, un obradoiro de batucada en colaboración coa Asociación Aperta.
