Este domingo disputouse en Expourense o Campionato de Galicia Sub-18 de pista cuberta. E a atleta de Nigrán e pertencente á Sociedade Atlética Val Miñor, Nayr Cortegoso Figueroa, proclamábase campioa galega en salto de lonxitude cun mellor salto de 5.16 metros.
Participaron tamén por parte da S.A Val Miñor Rodrigo en 800 metros lisos (2.10.24); Aroa en 400 metros lisos (1.08.00); María Amador en salto de lonxitude cun 8º posto final e un mellor salto de 4.34 metros; e Uxía, quen tivo dobre participación tanto en 60 metros lisos (8.19) como nos 200 metros lisos (28.18), alcanzando en ambas as dúas probas a final.
Próximas citas para os atletas da Sociedade Atlética Val Miñor, Campionato de España Sub-20 en Sabadell e o Campionato de Galicia de campo a través para menores na Pobra do Caramiñal, que se disputarán a próxima fin de semana (4 e 5 de marzo).
