O CEP Sabarís e a EEI O Areal celebraron este venres o seu tradicional desfile de Entroido. Tras percorrer a Avda. Julián Valverde, o alumnado do Areal bailou na Praza Victoria Cadaval e posteriormente no Colexio de Sabarís o alumnado do CEP realizou uns bailes e queimou o Meco. Este é un curso moi importante para o CEP Sabarís pois cumpre o seu 50 aniversario, polo que a temática do desfile estivo dedicada a esta efeméride. Pola súa banda, o Areal representou as Olimpíadas, con deportes como o baloncesto, o boxeo ou o tiro con arco.
