A Asociación Oikea, coa colaboración do club Burgas Atletismo Ourense, organizou este domingo o I Trofeo Laranxa de atletismo en pista cuberta, que se disputou en xornada de mañá na Pista de Atletismo Cuberta de Ourense. A baionesa Andrea Pais Rodríguez proclamouse campioa na categoría de 200 metros. A deportista do Atletismo Feminino Celta logrou subirse ao máis alto do podio cun rexistro na final de 25.39. Antía Pernas Rodríguez, do Lucus Caixa Rural, foi segunda cun tempo de 25.87. Lucía Sánchez Martínez, do AA Mazi, pechou o podio cun resultado de 26.19.
