Terra, Cebada e Uva e Pazo da Escola gañan a VIII edición das Tapas do Conde

Na mañá deste venres entregáronse os premios aos establecementos gañadores da VIII edición do certame gastronómico As Tapas do Conde, organizado polo Concello de Gondomar e a Asociación de Empresarios e Comerciantes do Val Miñor (OVALMI). Na categoría de Tapa Doce o gañador foi o Restaurante Terra, Cebada e Uva tanto no premio do xurado popular como no premio do xurado profesional. Na categoría de Tapa Salgada o xurado profesional outorgou o primeiro premio á tapa elaborada por Pazo da Escola, mentres o xurado popular valorou a mellor tapa a elaborada por Terra, Cebada e Uva. Foron ata 12 os establecementos que presentaron as súas creacións nesta edición e todos eles amosaron o bo facer dos profesionais da hostalería de Gondomar.