Esta fin de semana celebráronse no Val Miñor (Camos-Nigrán) os Campionatos de España de bolo celta por parellas mixtas, individual e por parellas feminino. Participaron un total de 64 xogadores. As clasificacións finais foron as seguintes:
Campionato de parellas mixtas:
- Campións de España: Belén Rodríguez-Óscar Zapata do club de bolos Rega de Baiona.
- Subcampións: Blanca Lago-Vicente Mo do club de bolos Estivada de Baiona.
- Terceiros: Nerea Ferreira-Juan Vasconcellos do club de bolos Rega de Baiona.
- Cuartos: Noa Vasconcellos-David Pintos do club de bolos San Miguel de Peitieiros.
Feminino por parellas:
- Campioas: Lara Rodríguez-Julia López do club de bolos Xove.
- Subcampioas: Belén Meitin-Patricia García dos clubs Xove e San Miguel.
- Terceiras: Sabela Fernández-Sandra Suárez de Camos e Tineo (Asturias).
- Cuartas: Jésica Misa-Nerea Ferreira de bolos Camos e bolos Rega.
Feminino individual:
- Campioa: Belén Rodríguez de bolos Rega de Baiona.
- Subcampioa: Nerea Ferreira de bolos Rega de Baiona.
- Terceira: Sandra Suárez de Tineo-Asturias.
- Cuarta: Blanca Lago de bolos Estivada de Baiona.
A entrega de trofeos correu a cargo do delegado de deportes da Xunta en Pontevedra, Daniel Benavides, os alcaldes de Baiona, Gondomar e Nigrán, Carlos Gómez, Paco Ferreira e Juan Gonzalez, e as concelleiras de Deportes de Baiona e Gondomar, Andrea Pérez e Nuria Lameiro. Presentes ademais o presidente da Federación Galega de Bolos, Isidro Costas, e do coordinador deportivo e vicepresidente, Jose Rodríguez.
Con estes campionatos finalizan os nacionais de bolo celta do ano 2022. O vindeiro día 8 de outubro celébrase en Cangas del Narcea (Asturias) o Torneo Nacional da Vendima e a finais de outubro comezará o Torneo de Nadal que finalizará a mediados do mes de decembro. Dende a Federación Galega de Bolos felicitan aos gañadores dos distintos campionatos organizados durante o presente ano así como a todos os participantes pola seu inmellorable comportamento durante a presente tempada.
