Un centenar de corredores participaron este domingo na XXII Marcha Cicloturista Concello de Gondomar, organizada polo Club Ciclista Gondomar e apadriñada nesta edición por Andrea Iglesias, Ricky Buba, Gustavo Rodríguez e Aida García. Gustavo Veloso finalmente non puido asistir.
Pasadas as 9:30 da mañá o pelotón partía desde a rúa Eduardo Iglesias, fronte ao Concello de Gondomar, para completar un percorrido de máis de 100 km, pasando por Baiona, Oia, A Guarda, O Rosal, Tomiño, Alto de Tebra, San Antoniño, Tui, Monte Aloia, Morgadáns e Couso, finalizando de novo na Praza Paradela.
Unha vez finalizada a proba os participantes puideron gozar duns petiscos. Para pechar a xornada, a tenente de alcalde de Gondomar e concelleira de Deportes, Nuria Lameiro, o concelleiro de Parques, Xardíns e Espazos Públicos, Jose Luis Alonso, a concelleira de Educación, Araceli Regueiro, e o presidente do Club Ciclista Gondomar, Jose Antonio Alonso, foron os encargados de facer a entrega de trofeos aos corredores premiados nesta XXII edición.
Trofeos 3 primeiros en chegar do tramo libre Tebra-Monte Aloia na Categoría Masculina:
- Juan Luis López de Guereñu (Máster da Louriña)
- Nuno Miguel Sampaio (CC Olívivo)
- Jorge Mera (Chinquena RT)
Trofeos 3 primeiros en chegar do tramo libre Tebra-Monte Aloia na Categoría Feminina:
- Bryony Izzard (Ciclismo Oiense)
- Mariña González (Illas Cíes Cycling Team)
- Natalia Lorenzo (Club Tríatlon Compostela)
Trofeo ao club máis numeroso:
- Illas Cíes Cycling Team
Trofeo ao club máis afastado:
- Máster da Louriña (O Porriño)
Trofeo ao ciclista masculino de maior idade:
- Álvaro Lagoa (Bike ou non Vai)
Trofeo ao ciclista masculino de menor idade:
- David Maquieira (Máster da Louriña)
Trofeo á ciclista feminina de maior idade:
- Ángeles Segura (CCF La Amatista)
Trofeo á ciclista feminina de menor idade:
- Bryony Izzard (Ciclismo Oiense)
