Andrés Suárez dará un concerto gratuíto no Parque da Palma de Baiona para presentar o seu último disco. Será o sábado 10 de setembro ás 22:00 horas dentro da programación cultural Baiverán 2022. Tres anos despois da publicación do seu último álbum, “Desde unha xanela”, Andrés Suárez presenta o seu novo traballo discográfico, o seu oitavo disco e o primeiro homónimo.
“Andrés Suárez” é o seu disco máis persoal ata a data e conta con dez cancións vividas en primeira persoa. Son fragmentos da súa vida, cunha de cal e outra de area, historias que falan un pouco de todo.
O cantante é unha combinación perfecta de constancia e talento. Admirado e respectado por público, crítica e compañeiros de profesión a partes iguais, este cantautor ferrolán con alma de rockeiro que hai unha década foi tocar ao metro de Madrid, actualmente abarrota tanto teatros como espazos míticos para a música en España segundo opte polo seu lado íntimo ou pola súa vertente de gran banda de rock.
