Baiona acolle unha Xornada Informativa e de Orientación sobre o Sector do Mar

O Concello de Baiona informa que dende a Concellería de Emprego e Educación en colaboración co Grupo de Acción Local do Sector Pesqueiro Ría de Vigo-A Guarda vai realizar unha Xornada Informativa e de Orientación sobre o Sector do Mar para o vindeiro 30 de setembro en horario de 10:00 a 11:30 no Centro Multiusos Ángel Bedriñana situado na Rúa Carabela Pinta.

En dita xornada preténdese ofrecer unha visión ampla e en detalle, dende un punto de vista técnico e profesional, sobre as oportunidades e nicho de traballo existentes no sector do mar aos que poderían acceder aquelas persoas desempregadas do territorio que, quizais descoñezan esta información ou non a coñezan polo miúdo.

Os obxectivos concretos son:

  1. Dar a coñecer as saídas profesionais no sector do mar, sobre todo as relacionadas con oficios propios do mar e aquelas para as que non son precisos nin requisito ter unha titulación académica específica, como un Ciclo de Formación Profesional ou un Grao Universitario.
  2. Poñer en valor os postos de traballo do sector primario do mar e outros vencellados que poden dar cabida a persoas en situación de desemprego.
  3. Achegar información sobre como e onde conseguir certos carnés ou títulos para acceder un posto/oficio no sector da pesca (pesca ou marisqueo).

Aquelas persoas interesadas deberán cubrir a instancia dispoñible na páxina web do Concello de Baiona. É necesaria presentala no rexistro do Concello ou enviala ao mail tecnico.emprego@baiona.gal. Máis información no teléfono 986 35 64 10 ou no mail tecnico.emprego@baiona.gal.