Nigrán ofrece este mércores un roteiro pola península de Monteferro

O Concello de Nigrán continúa este mércores 3 de agosto coas súas andainas da programación de verán cun roteiro pola península de Monteferro. O punto de encontro é ás 20:00 horas na Praia da Madorra (non é preciso inscrición previa e é de balde) e terá unha duración de dúas horas aproximadamente, sendo a dificultade media-baixa. Os participantes deberán levar roupa e calzado axeitados, así coma unha botella de auga.

Os seguintes roteiros serán o do Camiño Portugués pola Variante Litoral o 17 de agosto (saída desde a ponte románica da Ramallosa), o Portugués oficial o día 24 de agosto e un especial “A praia dos afogados” de Domingo Villar o 31 de agosto. Todos partirán ás 20:00 horas para evitar a calor do día.