O Centro Cultural “A Merced” de Chaín celebra o domingo 7 de agosto a XXVI Festa do Xurelo Asado, a partir das 12:30 horas no recinto da Capela da Virxe da Merced de Chaín. A partir das 13:00 horas amenizarán a festa os grupos de gaitas Cores do Sobreiro de Borreiros, Os Trebellos de Baíña e as Pandereteiras do Sobreiro. Haberá ración de xurelo (2 unidades), empanada de xurelo (1 ración), tortilla de xurelo (1 ración), croquetas de xurelo (6 unidades) e empanadillas de xurelo (4 unidades). A ración de xurelo só se servirá baixo encargo. Recolleranse encargos ata o día 1 de agosto ás 22:00 horas no teléfono 640 606 643. O resto de racións serviranse sen necesidade de reserva.
