O barrio baionés de Sabarís celebra a próxima fin de semana as grandes festas na honra de Santa Cristina. O sábado 23 de xullo a verbena estará amenizada polo trío D’Líder e o dúo Arte. O domingo día 24 comezará cun pasarrúas ás 11:00 da mañá a cargo da Banda de Música Agrupación Musical de Belesar. Ás 12:00 do mediodía celebrarase a Misa Solemne seguida de procesión na honra de Santa Cristina acompañada pola devandita banda, que ofrecerá a continuación un concerto. Pola noite, os grupos Los Alkar e S’Vigo amenizarán a verbena.
