A parroquia nigranesa de Parada celebra a próxima fin de semana as festas na honra de Santiago e Santa Ana. O domingo 24 de xullo ás 22:00 horas actuarán “Os Carunchos”.
O luns día 25 comezará cun pasarrúas ás 10:00 da mañá a cargo da Banda de Música Unión Musical de Belesar. Ás 12:00 do mediodía celebrarase a Misa Solemne na honra de Santiago cantada polo Coro Ecos do Castelo, seguida de procesión acompañada pola mesma Banda de Música, que ofrecerá un concerto a continuación. Pola noite, a orquestra La Dimensión e o trío D’Líder amenizarán a verbena.
O martes 26 de xullo comezará cun pasarrúas ás 10:00 da mañá a cargo da Banda de Música do Val Miñor. Ás 12:00 do mediodía celebrarase a Misa Solemne na honra de Santa Ana, seguida de procesión acompañada pola mesma Banda de Música. Ás 18:00 horas realizarase a tradicional fogata, e pola noite, a verbena estará amenizada pola orquestra Saudade e a Banda de Música do Val Miñor.
