Este domingo celebrouse a 53ª edición do Descenso Internacional do Miño en Ourense, con saída en Barra de Miño e chegada no Encoro de Velle en Oira. A baionesa Iria Ludeña e a tudense Irea Alonso lograron facerse coa medalla de ouro na categoría de K-2 5000. As deportistas do Club Kayak Tudense marcaron un crono de 00:42:21,75. Sara García e María Lata, do Club Ría de Betanzos, foron segundas, e Nerea Rodríguez e Zaira Pazos, do Club Piragüismo Verdugo, terceiras. Esta regata puntuable para as ligas galegas, sénior, xuvenil, cadete e veterano tanto masculina como feminina, nesta ocasión contaba coa participación de máis de 400 deportistas representando a 33 equipos.
