Os amigos do alleo levaron este venres o diñeiro dun conxunto de sete petos da Igrexa de Santa Cristina da Ramallosa, tras lograr forzar os dous cadeados. Trátase dun conxunto de petos nos que os fregueses poden depositar os seus donativos para o Sagrado Corazón, San Roque, a Virxe das Dores, Santa Cristina, Santa Lucía, San Antonio e o Santísimo Cristo, situado á entrada do templo con outro conxunto para as Benditas Ánimas, a Virxe do Carme, Santa Cristina, A Milagrosa e San Xosé, que deixaron intacto. “Se a igrexa está aberta exposche”, comentou o párroco Uxío Nerga, que descoñece a cantidade de diñeiro que podería haber nos petos e que este luns presentará a correspondente denuncia ante a Garda Civil.
